ایلاهی مؤجوزه

 


     10 سئنتیابر 2004- جو ایل آذربایجان رئسپوبلیکاسینین جلیل آباد شهرینین ساکینی، آریچی تاغییئو رؤوشنین آری پته ییندن چیخاردیغی بال چرچیوه سینده عرب دیلینده یازیلمیش " لا الله الا الله " ( الله دان باشقا ایلاه یوخدور) کلامی بؤیوک سئنساسیایا سبب اولموشدور.
     آنالوژی حادیثه 2000- جی ایلده تورکیه ده ده باش وئرمیش دی. او زامان آریلار " الله" کلامی ایله کیفایت لنمیشدیلر. ایندی ایسه بوتؤو بیر آیه نین - ایسلا بونؤوره سینین فلسفس اساسینی تشکیل ائدن بو کلاملاری " یازماقلا" اینسانی حئیرته گتیریر.
     بورادا  قورآن کریم دن "آری" (نحل) نحل سوره سی و اوراداکی الله آیتلری یادا دوشور:
     "سنین اللهین با آریسینا وحی ائتدی کی، داغلاردا و آغاجلاردا و تیکدیکلری ائولرده پتکلر سال. سونرا هر مئیوه دن یئ و تقوا اوزره الله یولوندا آددیملا. اونون قارنیندا رنگ به رنگ ایچکی چیخیر کی، آداملارین علاجی اوندادی و دوشوننلر اوچون بوندا بؤیوک آیتلر وار". ( "نحل" سوره سی، 69-68 آیه).


     داها بیر نئچه ماراقلی فاکتی سادالاماق ایسته ردیک:
     آری پته ییندن چیخاردیلمیش فوتوسو چکیلن زامان، تصادوفن، تقریبا بیر متر هوندورلوکدن چرچیوه پتک صاحیبینین الیندن چیخیب، یئره دوشموش و ... داغیلمامیشدیر. آریچینین دئدییینه گؤره چرچیوه ده کی بالین داغیلماماسی غیر مومکون ایدی. تجروبه اوچون او، بیر نئچه بال چرچیوه سینی همین هوندورلوکدن بوراخمیش، آما اونلارین هامیسی داغیلمیشدیر. یئنی چرچیوه نین اوزه رینده بال و موم تامامیله تؤکولموشدور.
     ر.تاغییئو دئدییینه گؤره ایندییه قدر اونون چیخاردیغی بال چرچیوه لرینین چکیسی 3 کیلوگرامدان آرتیق اولمور. آما بو چرچیوه نین چکیسی 8 کیلوگرامدان آرتیقدیر.
     حال حاضیردا آریلار همین پتکده یئنی ایلاهی کلاملار "یازماغا" باشلاییبلار.بو حاقدا یئنی معلوماتلاری سیزه چاتدیرماغا چالیشاجاغیق.