.:::اولو اولوس:::.

   ^{20    یانوار}

^{محمدرضا خیری فام}

      ^{ائرمنی لرله  آذربایجانلیلار آراسیندا  اولان  قانلی اولایلارین  آردیندان ، 1990- جی ایلین یانوار  آیینین 15- ده  میخاییل قارباچوو  سووئتلر بیرلییینین  آنا یاساسینین  119 - جو  ماده سینین   14- جو   بند ینه اساسلاناراق  آذربایجاندا  فؤوق العاده  دوروم  اعلان ائدیر .  او ، سووئتلر بیرلییی   تئلویزیاسیندا   یاییلان دانیشیغیندا بو بویوروغون اسا س ندنینی ایکی رئسپوبلیکانین آراسیندا اولان گرگینلیکلر بیلدیریر.}

      ^{18- یانوار  گونو  سونرالار باکی قصابی  آدلانان  ساوونما باخانی ( مودافیعه ناظیری ) دیمیتری یازوو ، ایچ ایشلر باخانلیغینین  آلایلارینی  گوجلندیرمک  اوچون قیرمیزی اوردونون  بؤلگه یه  گله جه یینی  اعلان ائدیر. سووئتلر بیرلییینین ایچ ایشلرباخانلیغی ایسه او ساواشین ایچ ساواش اولدوغونو آنلاتیر.}

      ^{داغیلماق اوزره  اولان سووئتلر بیرلییی آدلانان اولوسلار دوستاغینین باشچیلاری،  قوندارما اؤلکه نین داغیلماسینی دوردورماق اوچون، باشقا سووئت رئسپوبلیکالارینا دا عیبرت اولسون دئیه اؤزگورلویونو الده ائتمه یه  چالیشان آذربایجانا 35000 نفرلیک یاراقلی قوشون یئریدیرلر. باکی اهالیسی اوردونو دایاندیرماق اوچون  آرابالاری  قیرمیزی  اوردونون  یولو  اوستونده سیرالاییرلار. یانوارین19 - دان  20- نه  کئچن گئجه ده تانکلار یولو  باغلایان  آوتوبوسلارلا  کامیونلاری حتی  اینسانلاری آیاخلاییب آرادان قالدیراراق  اوردو  شهره گیریر.  اهالی خیابانلارا تؤکوله رک  داشلا قوشونون قارشیسیندا دایانیر. یوروشچولر ایسه  گئجه یاریسی خیاباندا گؤرونن هر کسه آ تش آچاراق 173 نفری اولدوروب 700- دن چوخونو دا یارالاییرلار.}

      ^{بو  قیرغیندان  سونرا  یئرلی  رسمی  دایره لرین   مرکزدن  آلدیقلاری  گؤستریشه  اساسن ،  قانلی قیرغینین  ایزینی  سیلمک  آماجی ایله  20 یانوار  قوربانلیقلاری  بیر  یئرده  تورپاغا وئریلمه مه لی ایدیلر. آنجاق سونوجدا  بو گون شهیدلر  خیابانی  آدلانان باکی نین ان اوجا یئرینده،  خزر قیییسیندا،  داغ اوستو پارکدا توپراغا تاپیشیریلیرلار.}

      ^{بو فاجیعه آمئریکا ا یله ایراغین ایلک ساواشی زامانیندا، بوتون دونیا باخیشلاری ایراغا ساری اولدوغو گونلرده   باش  وئردییی  اوچون  ییرتیجی  اوردو  چکینمه دن  آذربایجانین   توپراق  بوتونلویونو   ایسته ین سوچسوز الی یالین اینسانلاری قانا بویادی.}   

قرنفیل –  شهید قانی،                           بوتکلنمیش شیرلره،                                                                                                                                                                
جاوانلارا قییدیلار،                                   بو آرخاسیز ارلره،                                                                                                                                                                   
آغلا قرنفیل، آغلا!                                    بو طالعسیز نرلره،                                                                                                                                                                     
آغلا، قرنفیل، آغلا!                                   آغلا قرنفیل، آغلا!                                                                                                                                                                   
آغلا، اینلت مئیدانی،                               بو گوناهسیز قانلارا،                                                                                                                                                       

تانکلار آلتدا قویدولار.                              بو دیدیلمیش جانلارا،                                                                                                                                                 
قانین ایچیب دویدولار،                            بو جانسیز جاوانلارا،                                                                                                                                                   
آغلا قرنفیل، آغلا!                                    آغلا قرنفیل، آغلا!                                                                                                                                                                  

هر شهیده بیر دوزوم،                             بو بدنسیز قوللارا،                                                                                                                                                  
آبشئرون –  قان دنیزیم.                        بو اوچونان یوللارا،                                                                                                                                               
سن –  منیم آغلار گؤزوم،                       بو یییه سیز قوللارا،                                                                                                                                           
آغلا قرنفیل، آغلا!                                   آغلا  قرنفیل، آغلا!                                                                                                                                                                 


اوزاق منزیل، آجی یول،                        بو سنگیمز آغرییا،                                                                                                                                                      
یولدو، یول،علاجی یول!                         بو قان سیزان سارغییا،                                                                                                                                                
شهید لره باجی اول:                             بو آللاه سیز قورغویا،                                                                                                                                                          
آغلا قرنفیل، آغلا!                                  آغلا قرنفیل، آغلا!                                                                                                                                                                      


کربلا –  قان چؤللره،                              بو قارا یازیلارا،                                                                                                                                                               
پوچ اولان قؤنچه لره،                            بو کؤرپه قوزولارا،                                                                                                                                                           
نازنین اینجیلره،                                     قورویان آرزولارا،                                                                                                                                                                          
آغلا قرنفیل، آغلا!                                  قورویان آرزولارا،                                                                                                                                                                   


بختی آسیلان قیزا،                              خئیره  شر اوستون گلدی،                                                                                                                                   
هونری آسلان قیزا                              اینیلتیلی اون گلدی..                                                                                                                                                               
تویو یاس اولان قیزا                             آغلامالی گون گلدی  

آغلا قرنفیل، آغلا!                                 آغلا قرنفیل، آغلا  !                                                                                

آغلا، اورک بوشالسین،  

 اونون گؤیه باش آلسین.                                                                         
آغلا، داغلار یومشالسین،                                                                     
 آغلا قرنفیل، آغلا!                                                                 

 ………………………………………………………………………………

شعر یازاردان دئییل.